ሕብረት ኢንሹራንስ አማ ለደንበኞቹ የካሣ ክፍያ ፈጽሞ የተረከባቸውን ከባድና ቀላል ጉዳት የደረሰባቸው ተሽከርካሪዎች፣ ልዩ ልዩ የተሽከርካሪ አካል ቅሪቶችንና በባሕር ጉዞ ጉዳት የደረሰባቸው ልዩ ልዩ ዕቃዎችን፣ በጨረታ አወዳድሮ መሸጥ ይፈልጋል፡፡

The-United-Insurance-Company-Logo-Reportertenders

Overview

  • Category : Vehicle Foreclosure
  • Posted Date : 10/03/2022
  • Source : Reporter
  • Closing Date : 10/12/2022

Description

ሕብረት ንሹራንስ አማ ለደንበኞቹ የካሣ ክፍያ ፈጽሞ የተረከባቸውን ከባድና ቀላል ጉዳት የደረሰባቸው ተሽከርካሪዎች፣ ልዩ ልዩ የተሽከርካሪ አካል ቅሪቶችንና በባሕር ጉዞ ጉዳት የደረሰባቸው ልዩ ልዩ ዕቃዎችን በጨረአወዳድሮ ለመሸጥ የተዘጋጀ ሰነድ

የጨረታ ቁጥር 63

ክፍል 1 የተጫራቾች መመሪ

  • ተጫራቾች ቃሊቲ ጂቲ ኪዳነ ምህረት ፊት ለፊት ዲ.ኤች.ገዳ ብርድልብስ ፋብሪካ አጠገብ በሚገኘው የኩባንያው የተጎዱ ተሽከርካሪዎችና ሌሎች ንብረቶች ማቆያ (ሪከቨሪ) ከ መስከረም 23 ቀን 2015 ዓ.ም እስከ ጥቅምት 2 ቀን 2015 ዓ.ም ድረስ በሥራ ሰዓት በመምጣት ተሽከርካሪዎችንና ሌሎች ንብረቶችን ማየት ይችላሉ፡:
  • ተጫራቾች ተሽከርካሪዎቹን ወይም ሌሎች ንብረቶችን የሚገዙበትን ዋጋ በሰም በታሸገ ኤንቨለ እስከ ጥቅምት 2 ቀን 2015 ዓ.ም ከቀኑ 10:30 ሰዓት ድረስ ቴዎድሮስ አደባባይ ከፍ ብሎ በሚገኘው የኩባንያው ዋና መሥሪያ ቤት በተዘጋጀው የጨረታ ሣጥን ውስጥ ማስገባት አለባቸው፡፡
  • ተጫራቾች ለተሽከርካሪዎቹ በዚህ ጨረታ ሰነድ ክፍል ሁለት በተገለፀው መሠረት ለሕብረት ኢንሹራንስ አማ /The United Insurance Company SC/ ተብሎ በሲፒኦ የተዘጋጀ የጨረታ ማስከበሪያ ማስያዝ ይኖርባቸዋል፡፡ በጨረታው ለተሸነፉ ያስያዙት ገንዘብ ይመለስላቸዋል፡፡ አሸናፊዎች በጨረታው ላሸነፉት ንብረት ቀሪውን ክፍያ የጨረታው ውጤት ከተገለፀበት ቀን ጀምሮ ባሉት 5 የሥራ ቀናት ውስጥ መክፈል ይኖርባቸዋል፡፡
  • የጨረታ አሸናፊዎች የተሽከርካሪዎችን ወይም ሌሎች ንብረቶችን ሙሉ ክፍያ 15% የተጨማሪ እሴት ታክስን (VAT) ጨምረው ከከፈሉ በኋላ ተሽከርካሪዎችን ወይም ሌሎች ንብረቶችን በ10 የስራ ቀናት ውስጥ ማንሳት ይኖርባቸዋል፡፡ በተጠቀሰው የጊዜ ገደብ ውስጥ ያሸነፉትን ንብረት ከፍለው ካልወሰዱ ኩባንያው አሸናፊውን የመሰረዝ መብቱ የተጠበቀ ከመሆኑም በላይ ንብረቶችን ጨረታ በማውጣትም ሆነ ያለጨረታ የመሸጥ፣ የተሸጠበትን ገንዘብ ለኩባንያው ገቢ የማድረግ መብቱ የተጠበቀ ነው:: በተጨማሪም ተጫራቾቹ ለጨረታው ያስያዙት ገንዘብ አይመለስላቸውም፡፡
  • ያሸነፉበትን ዋጋ ከነተጨማሪ እሴት ታክሱ (VAT) ከከፈሉ በኋላ በ10 የስራ ቀናት ውስጥ ተሽከርካሪውን ወይም ንብረቶቹን የማይወስዱ ከሆነ ኩባንያው ንብረቶቹ ለቆዩበትና የተጠበቁበትን ለእያንዳንዱ ቀን ብር200.00 (ሁለት መቶ ብር) ያስከፍላል፡፡
  • ተሽከርካሪዎች በጨረታ እስከ ተሸጡበት ጊዜ ድረስ የሚፈለግ ግብርና ታክስ ቢኖር ጨረታውን አሸንፈው የሚገዙት አይጠየቁበትም፡፡ ተሽከርካሪዎቹ ከተሸጡ በኋላ በመንግስት የሚፈለግ የክፍያ ጥያቄ ቢኖር የመክፈል ኃላፊነቱ የገዥው ይሆናል፡፡
  • ከቀረጥ ነፃ ተሽከርካሪዎችን ኩባንያው ለገዢዎች የሚያስረክበው ገዢዎች በቅድሚያ የኢትዮጵያ ገቢዎችና ጉምሩክ ባለሥልጣን የሚወስነውን የቀረጥና ታክስ ክፍያ ከፍለው ተገቢውን ማስረጃ ሲያቀርቡ ብቻ ይሆናል፡፡
  • ገዥዎች ተሽከርካሪዎችን ከገዙና ከተረከቡ በኋላ ከክልሎች የሚመጡ ፋይሎችና ክሊራንሶች ቢኖሩ ተከታትለው የሚያመጡት ገዢዎች ይሆናሉ፡፡
  • ተጫራቾች ያሸነፉትን ተሽከርካሪ ከተረከቡ በኋላ በ6ወር ጊዜ ውስጥ የስምዝውውር ማጠናቀቅ ይኖርባቸዋል፡፡ ከ6ወር በኋላ ከስም ዝውውር ጋር በተያያዘ ለሚቀርቡ ጥያቄዎችና ችግሮች ኩባንያው ሃላፊነት አይወስድም፡፡
  • በፌዴራል ትራንስፖርት ባለሥልጣን የተሽከርካሪ አገልግሎት አሰጣጥና ብቃት ማረጋገጫ ፈቃድ አሰራር መመሪያ ቁጥር 19/2010 መሠረት በሚለወጥ ሻንሲ የተባሉ ተሽከርካሪዎች ሻንሲያቸው ካልተለወጠ ኩባንያችን ስም ማዘዋወር የማይችል መሆኑን እንገልፃለን፡፡
  • ሐሙስ ጥቅምት 3 ቀን 2015 ዓ.ም ከጠዋቱ 3:00 ሰዓት ተጫራቾች ወይም ሕጋዊ ወኪሎቻቸው በተገኙበት በኩባንያው ዋና መ/ቤት ይከፈታል፡፡ ኩባንያው የተሻለ አማራጭ ካገኘ ጨረታውን በከፊልም ሆነ በሙሉ የመሰረዝ መብቱ የተጠበቀ ነው፡፡