ረገድ ግሎባል ግሪን ግሮውዝ ኢንስቲትዩት የተዘጋጁ ፕሮጀክቶችን አወዳድሮ ለተመረጡ ፕሮጀክቶች የቴክኒካል፣ የፋይናንስ ስትራክቸሪንግ እና ፕሮጀክቶችን በመዋእለ-ንዋይ ሊደግፉ የሚችሉ ባለሃብቶችን በማፈላለግ ዙሪያ ድጋፍ ለመስጠት ይፈልጋል፡፡

Overview

  • Category : Baseline Consultancy
  • Posted Date : 09/17/2021
  • E-mail : fffi-eoi-ethiopia@gggi.org
  • Phone Number : 0115580895
  • Source : Reporter
  • Closing Date : 09/24/2021

Description

Global Green Growth Institute (GGGI)

ግሎባል ግሪን ግሮውዝ ኢንስቲትዩት

የኢትዮጵያ ቢሮ የተሳትፎ ፍላጐት መግለጫ

 ግሎባል ግሪን ግሮውዝ ኢንስቲትዩት (GGGI)

ግሎባል ግሪን ግሮውዝ ኢንስቲትዩት ዋና ቢሮው በኮሪያ ሪፖብሊክ፣ ሴኦል ከተማ የሚገኝ በስምምነት ላይ የተመሠረተ በይነ-መንግስታዊ አለም አቀፍ ድርጅት ነው፡፡ ድርጅቱ በተለያዩ አህጉራት የሚገኙ 39 አባል ሃገራትን ያቀፈ ሲሆን ሃገራቱ ወደ ዘላቂ እድገት የሚያደርጉትን ኢኮኖሚያዊ ሽግግር የተሳካ ለማድረግ በፖሊሲ ቅመራ፣ በፋይናንስ ማፈላለግ እና በፕሮግራም/ፕሮጀክት ትግበራ ዙሪያ ሁለንተናዊ ድጋፍ ይሠጣል፡፡

ኢንስቲትዩቱ የሚሠጠው ድጋፍ በተለይ አባል ሃገራት ያስቀመጡትን የዘላቂ ልማት ግቦች፣ የአየር ንብረት ለውጥን ተፅእኖ ከመቋቋም/ከመቀነስ (Adaptation/Mitigation) አንጻር በብሔራዊ ደረጃ የሚኖራቸውን አገራዊ አስተዋፅኦ (Nationally Determined Contributions) ስኬታማነት ብሎም ለፖሪስ ስምምነት ተግባራዊነት እገዛ በማድረግ ላይ ያተኮረ ነው፡፡

ኢንስቲትዩቱ ከአባል ሃገራት ጋር የሚሠራበት ማዕቀፍ በዋነኛነት በዘርፉ ብቃት ያላቸው ባለሙያዎቹን/አማካሪዎቹን ከተለያዩ የሴክተር መስሪያ ቤቶች ጋር በቅርበት ተጣምረው እንዲሠሩ በማድረግ ለአባል ሃገራቱ በሚሠጠው ድጋፍ አመኔታን ያተረፈና፣ ስትራቴጂካዊ አጋርነቱን ያረጋገጠ እንዲሆን አግዞታል፡፡ በዚህ ረገድ የኢንስቲትዩቱ ባለሙያዎች አባል ሃገራት የሚነድፉትን የረጅም ጊዜ የልማት እቅድ በቀጥታ ከመደገፍ በተጨማሪ የሃገራቱን የአረንጓዴ ልማትና ኢኮኖሚ ስትራቴጂዎችንና ፖሊሲዎችን ወደ አረንጓዴ ኢንቨስትመንት እቅዶች ለመተርጐም፣ እንዲሁም እቅዶቹን ለመተግበር የሚያስፈልገውን መዋእለ-ንዋይ ለማፈላለግ ብሎም ጠንካራ ተቋማዊ አቅም ለመገንባት እንዲችሉ የሚያግዝ ነው፡፡

የተሳትፎ ፍላጐት መግለጫው አላማ

በግብርና፣ ደንና የመሬት አጠቃቀም ዘርፍ በኢትዮጵያ የሚተገበሩ ፕሮጀክቶች/ፕሮግራሞች የአየር ንብረት ለውጥ ተፅዕኖን ለመቋቋም/ለመቀነስ አገራዊ ፋይዳ ያላቸው፣ ዘላቂ ና ከሃገሪቱ የማህበራዊና አካባቢያዊ ግቦች ጋር የተጣጣሙ ማድረግ ነው፡፡

በዚህ ረገድ ግሎባል ግሪን ግሮውዝ ኢንስቲትዩት ከአሜሪካ የውጭ ጉዳይ ቢሮ በተገኘ የገንዘብ ድጋፍ ይህንን ግብ ለማሳካት የሚያግዙ፣ ቴክኒካዊና የመዋእለ-ንዋይ ድጋፍ የሚያስፈልጋቸውን ውጤታማ ፕሮጀክቶችን ለመለየት ይቻል ዘንድ

  • በደን ልማት እና የደን ምርቶች እንዱስትሪ (Timber Production and Processing)
  • በቀርከሃ ልማት እና የቀርከሀ ምርቶች እንዱስትሪ (Bamboo Production and Processing)
  • በቡና ጥምር ግብርና እና እንዱስትሪ (Coffee Agro-forestry and Processing)
  • በዘላቂ የማር እና ሰም አመራረት (Sustainable Honey/Beeswax Production)

ዙሪያ የተዘጋጁ ፕሮጀክቶችን አወዳድሮ ለተመረጡ ፕሮጀክቶች የቴክኒካል፣ የፋይናንስ ስትራክቸሪንግ እና ፕሮጀክቶችን በመዋእለ-ንዋይ ሊደግፉ የሚችሉ ባለሃብቶችን በማፈላለግ ዙሪያ ድጋፍ ለመስጠት ይፈልጋል፡፡

በመሆኑም በዚህ ውድድር ውስጥ ለመሳተፍ ፍላጐት ያላቸው በዘርፉ የተሠማሩ የፕሮጀክት ባለቤቶች ይህንን አገናኝ (Link: https://forms.office.com/Pages/ResponsePage.aspx?id=STVf7oDk90yVr1EFUo_HhucZRzxohYZPvXZ4TKYtnXNUMDQwQktaTThHV0xYQUpHRjZJUkJIVFhMNSQlQCN0PWcu በመከተል የሚያገኙትን የ on-line መጠይቅ (questionnaire) መሙላት ይኖርባቸዋል፡፡ መጠይቁን በተገቢው መንገድ ሞልተው ሲያጠናቅቁ ለዚሁ ማረጋገጫ የሚሆን የኢሜይል መልዕክት የሚደርሳቸው ሲሆን በውድድሩ የሚመረጡ ተሳታፊዎች በቀጣይ ሊደረጉ ስለሚገባቸው ጉዳዮች፣ እንዲሁም በመጠይቁ ዙሪያ የሠጧቸውን መረጃዎች ማረጋገጫ በተመለከተ በኢንስቲትዩቱ በኩል ተጨማሪ መረጃዎችን ሊጠየቁ የሚችሉ ሲሆን የተጠየቁትን መረጃ መስጠት ያልቻሉት ከግምገማ ሂደቱ የሚወጡ መሆናቸውን ማሳወቅ እንወዳለን፡፡

 ለተጨማሪ መረጃ

ኢሜልfffi-eoi-ethiopia@gggi.org

Global Green Growth Institute (GGGI)

P.O. Box 1302 code 1110, Addis Ababa, Ethiopia

TEL: +251 011 558 0895/59

Website:www.gggi.org

“Intergovernmental organization championing green growth and climate resilience”

Send me an email when this category has been updated