ቡና ኢንተርናሽናል ባንክ አ.ማ አክሲዮኖችን በጨረታ ለመሸጥ የወጣ የጨረታ ማስታወቂያ

BUNNA-INTERNATIONAL-BANK-S.C-S-2

Overview

  • Category : Share Foreclosure
  • Posted Date : 04/28/2021
  • Source : Reporter
  • Closing Date : 05/13/2021

Description

አክሲዮኖችን በጨረታ ለመሸጥ የወጣ የጨረታ ማስታወቂያ

ቡና ኢንተርናሽናል ባንክ አ.ማ የኢትዮጵያ ብሄራዊ ባንክ በወጣው መመሪያ ቁጥር FIS/01/2016 መሰረት የውጭ አገር ዜግነት ካላቸው ትውልደ ኢትዮጵያውያን ባለአክሲዮኖች የተረከባቸውን በቁጥር  1,630 የሆኑ አክሲዮኖች የአንዱ አክሲዮን ዋጋ ብር 100 ሆኖ፤ ጠቅላላ ዋጋቸው ብር 163,000.00 የሚያወጡ አክሲዮኖችን በግልፅ ጨረታ አወዳድሮ ለመሸጥ ይፈልጋል፡፡

በመሆኑም የአንድ አክሲዮን የጨረታ መነሻ ዋጋ ብር 100.00 ሲሆን ተጫራቾች ከዚህ በታች የተዘረዘሩትን መስፈርቶች የሚያሟላ ማንኛውም ተጫራች በጨረታው ለመሳተፍ የምትችሉ መሆኑን እንገልፃለን፡፡

  1. ኢትዮጵያዊ ዜግነት ያለው ግለሰብ ወይም ሙሉ በሙሉ ኢትዮጵያዊ ዜግነት ባላቸው ባለአክሲዮኖች የተያዙ ድርጅቶች በጨረታው መሳተፍ ይችላሉ፤
  2. ተጫራቶች ማንነታቸውን የሚያረጋግጥ የታደሰ የቀበሌ መታወቂያ፤ የታደሰ መንጃ ፈቃድ ወይም ፓስፖርት ዋናውንና ፎቶ ኮፒ ወይም ተጫራቾች ድርጅቶች ከሆኑ ድርጅቱ በሰነዶች ማ/ም/ጽ/ኤጀንሲ የጸደቀ የመመስረቻ ጽሁፍ እና የመተዳደሪያ ደንብ ወይም ሌላ ተቀባይነት ያለው ማስረጃ ኮፒ ከዋናው ጋር አያይዘው ማቅረብ አለባቸው፤
  3. ተጫራቾች አንዱን አክሲዮን የሚጫረቱበትን ዋጋ በመግለፅ መግዛት የሚፈልጉትን ጠቅላላ የአክሲዮን ዋጋ ¼ኛ የጨረታ ማስከበሪያ ዋስትና በባንክ የተረጋገጠ ሲ.ፒ.ኦ አያይዘው ማቅረብ አለባቸው፤
  4. የጨረታ ማስከበሪያ ዋስትና ሳይያያዝ የሚቀርብ የጨረታ ሰነድ ተቀባይነት አይኖረውም፤  
  5. ተጫራቾች መግዛት የሚችሉት አነስተኛ የአክሲዮን ብዛት በቁጥር 500 እና የገንዘብ መጠኑ ደግሞ  ብር 50,000 /ሀምሳ ሺህ/  ሲሆን ከዚህ በታች የሆኑ አክሲዮኖችን ለመግዛት የሚቀርብ የጨረታ  ሰነድ ተቀባይነት አይኖረውም፤
  6. አክሲዮኖች የሚሸጡት በተጫራቾች የሚሰጠውን ዋጋ በማወዳደር ሲሆን የተሻለ ዋጋ የሚሰጡ ተጫራቾች ለመግዛት በገለጹት ዋጋ እና የተጠየቁትን አክሲዮኖች ብዛት ልክ በቅደም ተከተል ቅድሚያ ይሰጣል፡፡ ተጫራቾች ተወዳድረው የጨረታው አሸናፊ መሆናቸው በባንኩ ሲገለጽላቸው የተሻለ ዋጋ ለሰጡ ተወዳዳሪዎች ቅድሚያ በመሰጠቱ ምክንያት ሊገዙት ከጠየቁት  የአክሲዮኖች ብዛት የቀነሰ ቢሆንም በቀጣይ የተሻለ ዋጋ የሰጠ ተወዳዳሪ የተረፉ አክሲዮኖችን ባቀረበው ዋጋ የመግዛት ግዴታ አለባቸው፤
  7. ከአንድ በላይ ተጫራቾች ተመሳሳይ ዋጋ ቢሰጡ እና ተራፊ አክሲዮኖች ሁለቱ ተጫራቾች ከጠየቁት   የአክስዮን ብዛት ቢያንሱ ቀሪዎቹ አክሲዮኖች ተመሳሳይ ዋጋ ለሰጡ ተጫራቾች እኩል ይከፋፈላል
  8. ተጫራቾች ሌሎች ባቀረቡት ዋጋ ላይ ተንተርሰው ዋጋ ማቅረብ አይችሉም፤
  9. የጨረታው አሸናፊዎች ያሸነፉበት ጠቅላላ ዋጋ የጨረታው አሸናፊ መሆናቸው በተገለፀላቸው በ5 /በአምስት/ ቀናት ጊዜ ውስጥ ለባንኩ ገቢ ማድረግ ይኖርባቸዋል፡፡ የጨረታው አሸናፊ በዚህ ጊዜ ውስጥ ያሸነፉበትን ጠቅላላ ዋጋ ለባንኩ ገቢ ካላደረጉ ጨረታው ተሰርዞ ለጨረታው ማስከበሪያ ያስያዙት ሲ.ፒ.ኦ ለባንኩ ገቢ ይሆናል፤
  10. ለጨረታ የቀረቡት አክሲዮኖች በሙሉ በአሸናፊዎች ከተገዙ በኋላ በጨረታው ለተሸነፉት ተጫራቾች የጨረታው ውጤት እንደታወቀ ለጨረታ ማስከበሪያ ያስያዙት ሲ.ፒ.ኦ ይመለስላቸዋል፤
  11. ከላይ የተገለጹትን የሚያሟላ ተጫራች ለጨረ-ታው የተዘጋጀውን የዋጋ ማቅረቢያ ቅጽ እስከ ሚያዝያ 30 ቀን 2013 ዓ.ም. ከጠዋቱ 4 ሰዓት ድረስ በስራ ሰዓት ቦሌ ሩዋንዳ መዞሪያ በሚገኘው የባንኩ ህንፃ 4ኛ ፎቅ ፋይናንስ ዳይሬክቶሬት ቀርበው በመውሰድ እና በመሙላት በሰም በታሸገ ኢንቨሎፕ አሽገው ለዚህ በተዘጋጀው ሳጥን ውስጥ ማስገባት አለባቸው፤
  12. ጨረታው ግንቦት 5 ቀን 2013 ዓ.ም. ከጠዋቱ 4፡00 ሰዓት ላይ ተዘግቶ በእለቱ 4፡30 ላይ ተጫራቾች ወይም ህጋዊ ወኪሎቻቸው እንዲሁም የሚመለከታቸው ታዛቢዎች በተገኙበት ቦሌ ወደ ሩዋንዳ መዞሪያ ሣይደርስ በሚገኘው የባንኩ ህንፃ 5ኛ ፎቅ ላይ በሚገኘው አዳራሽ ውስጥ ይከፈታል፤
  13. የጨረታው አሸናፊዎች የጨረታው አሸናፊ መሆናቸው እንደተገለጸላቸው ዋናው /ኦርጅናሉ/ ሰነድ ለባንኩ ማቅረብ ይኖርባቸዋል፤
  14. በሌሎች ህጎችና በኢትዮጵያ ብሄራዊ ባንክ መመሪያዎች የተደነገጉ ደንቦች በዚህ ጨረታ ላይ ተፈፃሚነት አላቸው፤
  15. ባንኩ ጨረታውን በሙሉም ሆነ በከፊል የመሰረዝ መብቱ የተጠበቀ ነው፡፡