እናት ባንክ አ.ማ የባለአክሲዮኖች 9ኛ መደበኛ ጠቅላላ ጉባኤ እና 2ኛ አስቸኳይ ጠቅላላ ጉባኤ

Enat-Bank-logo-reportertenders

Overview

  • Category : Announcement
  • Posted Date : 11/06/2022
  • Phone Number : 0115582835
  • Source : Reporter
  • Closing Date : 12/03/2022

Description

የባለአክሲዮኖች 9ኛ መደበኛ ጠቅላላ ጉባኤ እና 2ኛ አስቸኳይ ጠቅላላ ጉባኤ የተደረገ ጥሪ ማስታወቂያ

እናት ባንክ አ.ማ  በንግድ መዝገባ ቁጥር KK/AA/3/0006590/2006 የተመዘገበ ፣ የተፈረመ ካፒታሉ ብር 2,594,608,729.92 የሆነ ፣ ዋናው መስሪያቤት ቂርቆስ ክ/ከተማ ፣ ወረዳ 8 በእናት ታወር ላይ የሚገኝ በንግድ ህግ ቁጥር 1243/2013 መሰረት 9ኛ መደበኛ ጠቅላላ ጉባኤ እና 2ኛ አስቸኳይ ጠቅላላ ጉባኤ ቅዳሜ ህዳር 24 ቀን 2015 ዓ.ም ከጠዋቱ 2፡00 ጀምሮ በአዲስ አበባ ከተማ ቦሌ አካባቢ በሚገኘው በሚሊኒየም አደራሽ የሚካሄድ በመሆኑ ፣ ባለአክሲዮኖች በአካል ወይም በህጋዊ ወኪሎቻቸው አማካኝነት ከላይ በተጠቀሰው ቀን እና ሰዓት በጉባኤው ላይ እንድትሳተፉ የዳይሬክተሮች ቦርድ በአክብሮት ጥሪውን ያቀርባል፡፡

የ9ኛ መደበኛ ጠቅላላ ጉባኤ አጀንዳዎች

  1. ድምፅ ቆጣሪዎችን መሰየም ፣
  2. የጉባኤውን አጀንዳ ማፅደቅ ፣
  3. የአዲስ አክሲዮኖች ግዢ እና የተደረጉ የአክሲዮን ዝውውሮች ማሳወቅ ፣
  4. እ.ኤ.አ የ2021/2022 የባንኩን የዳይሬክተሮች ቦርድ ዓመታዊ ረፖርት ማዳመጥ ፣ መወያየት ፣
  5. የውጪ ኦዲተሩ የዳይሬክተሮች ቦርድ ለጠቅላላ ጉባኤ ያቀረበው ሪፖርትን በተመለከተ ለጠቅላላ ጉበኤው አስተያየት ሰጥቶ ጉባኤው እንዲያፀድቀው መጠየቅ ፣
  6. እ.ኤ.አ የ2021/2022 የውጭ ኦዲተሮችን ሪፖርት ፣ የሀብትና እዳ ሚዛን እና ትርፍና ኪሳራ መግለጫ ማዳመጥ ፣ መወያየት እና ማíደቅ እንዲሁም ፣
  7. እ.ኤ.አ ሰኔ 30 ቀን 2022 ስለተጠናቀቀው ሂሳብ አመት የተጣራ ትርፍ አደላደል እና አከፋፈል ላይ በቀረበው የውሳኔ ሃሳብ መሰረት ተወያይቶ መወሰን ፣
  8. የዳይሬክተሮች ቦርድ ባቀረበው የትርፍ አደላደል እና አከፋፈል ላይ የውጭ ኦዲተር ለጠቅላለ ጉባኤው አስተያየት እንዲሰጥ ማድረግና ጉባኤው እንዲያፀድ መጠየቅ፣
  9. የዳይሬክተሮች ቦርድ አባላት እ.ኤ.አ የ2021/2022 የሂሳብ አመት የአገልግሎት ክፍያን እና እ.ኤ.አ የ2022/2023 ወርሃዊ አበል ክፍያን መወሰን ፣
  10. እ.ኤ.አ የ2022/2023 በጀት አመት የውጪ ኦዲተሮችን ክፍያ መወሰን ፣
  11. የዳይሬክተሮች ቦርድ አስመራጭ ኮሚቴ የተሻሻለ መመሪያ ተወያይቶ ማፅደቅ ፣
  12. የቦርድ አስመራጭ ኮሚቴን ወርሃዊ አበል እና የአገልግሎት ክፍያን ተወያይቶ መወሰን ፣
  13. የዳይሬክተሮች ቦርድ አስመራጭ ኮሚቴ አባላትን መምረጥ ፣
  14. የጠቅላላ ጉባኤውን ቃለጉባኤ ማíደቅ ናቸው ፡፡

የ2ኛ አስቸኳይ ጠቅላላ ጉባኤ አጀንዳዎች

  1. የጉባኤውን አጀንዳ ማፅደቅ፣
  2. በአዲሱ ንግድ ህግ መሰረት የተሻሻለውን የባንኩን መመስረቻ ፅሑፍ ተወያይቶ ማፅደቅ፣
  3. የባንኩን ካፒታል ማሳደግ፣
  4. የባንኩ ነባር ባለአክሲዮኖች አዲስ አክሲዮን ሲገዙ 5% (አምስት በመቶ) የሚከፍሉት የአገልግሎት ክፍያ ቀሪ እንዲሆን ማፅደቅ፣

ማሳሰቢያ፡-

በጉባኤው ላይ በአካል መገኘት ለማትችሉ ባለአክሲዮኖቸ ከስብሰባው እለት ሶስት ቀናት በፊት ካዛንቺስ የቀድሞው ዮርዳኖስ ሆቴል ፊት ለፊት እናት ታወር ላይ በሚገኘው የባንኩ ዋና መ/ቤት 1ኛ ፎቅ ፋይናንስና አካውንትስ መምሪያ በመቅረብ ባንኩ ባዘጋጀው የውክልና ቅጽ ላይ በመሙላት ተወካዮቻችሁን ማሳተፍ ትችላላችሁ % ወይም ተወካዮቻችሁ አግባብ ካለው የፌዴራል ወይም የክልል የሰነዶች ማረጋገጫና ምዝገባ ጽ/ቤት የተሰጠ በስብሰባ ለመሳተፍና ድምፅ ለመስጠት የሚያስችል የውክልና ሰነድ ዋናውንና ፎቶ ኮፒውን ይዘው በመቅረብ መሳተፍ የሚችሉ መሆኑን በአክብሮት እናስታውቃለን፡፡

ባለአክሲዮኖችም ሆናችሁ ወኪሎች ወደ ስብሰባው ቦታ ስትመጡ ማንነታችሁን የሚያረጋግጥ የታደሰ መታወቂያ ወይም ፓስፖርት ወይም መንጃ ፈቃድ ይዛችሁ እንድትቀርቡ፤ እንዲሁም ተወካዮች የወካያችሁን የኢትዮጵያ ወይም ትውልደ ኢትዮጵያዊ  መሆናቸውን የሚያረጋግጥ የታደሰ መታወቂያ ወይም ፓስፖርት ወይም መንጃ ፈቃድ በተጨማሪ ይዛችሁ እንድትቀርቡ እናሳስባለን፡

ለበለጠ መረጃ በስ.ቁ 0115 58 28 35 ወይም 0115 50 70 74 ይደውሉ