የአማራ ባንክ አ.ማ ባለአክሲዮኖች 1ኛ መደበኛ እና 1ኛ ድንገተኛ ጠቅላላ ጉባኤ

Amhara-Bank-S.C-1-2

Overview

  • Category : Announcement
  • Posted Date : 11/16/2022
  • Phone Number : 0115581461
  • Source : Reporter
  • Closing Date : 12/22/2022

Description

   የስብሰባ ጥሪ

ለአማራ ባንክ አ.ማ ባለአክዮኖች በሙሉ

የአማራ ባንክ አ.ማ ባለአክሲዮኖች 1ኛ መደበኛ እና 1ኛ ድንገተኛ ጠቅላላ ጉባኤ ታህሳስ 20 ቀን 2015 ዓ.ም ከጠዋቱ 2 : 30 ጀምሮ በአዲስ አበባ ጎልፍ ክለብ አዳራሽ  ስለሚካሄድ ባለአክሲዮኖች ወይም ወኪሎቻቸው በተጠቀሰው ቀንና ሰዓት በስብሰባው ላይ እንዲገኙ የዳይሬክተሮች ቦርድ ጥሪውን ያቀርባል።

/ የመደበኛ  ጉባኤ አጀንዳዎች

  1. የጉባኤውን አጀንዳ ማፅደቅ ፣
  2. የአክሲዮን ዝውውሮችን ማፅደቅ ፣
  3. የዳይሬክተሮች ቦርድ ሪፖርት ማድመጥና ተወያይቶ ማፅደቅ ፣
  4. የባንኩን የውጭ ኦዲተር ሪፖርት ማድመጥና ማፅደቅ ፣
  5. የውጭ ኦዲተር መሾምና የአገልግሎት ዋጋ መወሰን ፣
  6. የዳይሬክተሮች ቦርድ አባላት አበል መወሰን፣
  7. የዳይሬክተሮች ቦርድ አባልነት ዕጩዎች ማቅረቢያና ምርጫ ማስፈፀሚያ መመሪያን ተወያይቶ ማፅደቅ ፣
  8. የቦርድ አስመራጭ ኮምቴ አባላትን መምረጥና የሚከፈላቸውን አበል መወሰን፣
  9. የጉባዔውን ቃለ ጉባኤ ማፅደቅ ።

/   የድንገተኛ   ጉባኤ አጀንዳዎች፦ 

  1. የጉባኤውን አጀንዳ ማፅደቅ ፣
  2. የባንኩን ካፒታል ለማሳደግ  በቦርዱ በቀረበዉ የዉሳኔ ሃሳብ ላይ ተወያይቶ መወሰን ፣
  3. የጉባዔውን ቃለ ጉባኤ ማፅደቅ።

ማሳሰቢያ

  1. እያንዳንዱ ባለአክሲዮን ባስመዘገበው ተንቀሳቃሽ /ሞባይል ስልክ ቁጥር የባለአክሲዮን መለያ ቁጥር የሚላክ በመሆኑ ባለአክሲዮኖች/ተወካዮች ወደ ጉባኤው ሲመጡም ሆነ በባንኩ የውክልና ፎርም ሲሞሉ ይህንኑ መለያ ቁጥር ይዘው መቅረብ ይኖርባቸዋል። በተጨማሪም በጉባኤው ላይ በአካል መገኘት የማትችሉ ባለአክስዮኖች ከስር በተመለከተው ቦታ እና ጊዜ የውክልና ቅጽ ብትሞሉ ምልዓተ ጉባኤ እንዲሟላ እና የተሳካ ጉባኤ እንዲደረግ የበኩልዎን አስተዋጽኦ የሚያደርጉ ይሆናል፡፡
  2. በጉባዔው ላይ በአካል መገኘት የማትችሉ ባለአክሲዮኖች ከጥቅምት 30 ቀን 2015 ዓ.ም ጀምሮ ጉባዔው ከሚካሄድበት ዕለት ቢያንስ 3 ቀን እስኪቀረው ድረስ /እስከ ታህሳስ 17 ቀን 2015 ዓ.ም/ ባሉት ቀናት ለገሃር በሚገኝው የአማራ ባንክ ዋና መስሪያ ቤት አመልድ ህንጻ ወለል ላይ ወይም በመላው ኢትዮጵያ በሚገኙ በየትኛውም የአማራ ባንክ ቅርንጫፍ /Branch/ በመቅረብ የተዘጋጀውን የውክልና መስጫ ቅጽ በመሙላት ውክልና መስጠት የምትችሉ መሆኑን እንዲሁም ውክልና የምትሰጡ ባለአክሲዮኖች ማንነታችሁን የሚያሳይ የታደሰ መታወቂያ / ፓስፖርት ዋናውንና ኮፒ  እንዲሁም የውጭ ዜጋ ከሆናችሁ ትውልደ ኢትዮጵያዊ መሆናቸውን የሚያረጋግጥ ቢጫ ካርድ ይዛችሁ እንድትቀርቡ እናሳስባለን።
  3. ባለአክሲዮኖች ወደ ስብሰባው ቦታ ሲመጡ ኢትዮጵያዊ መሆናቸውን የሚያረጋግጥ ሕጋዊ የታደሰ መታወቂያ ካርድ፣ ፖስፖርት ወይም መንጃ ፈቃድ፤ ትውልደ ኢትዮጵያዊ የውጭ ሀገር ዜጋ ከሆኑ፣ ትውልደ ኢትዮጵያዊ መሆናቸውን የሚያረጋግጥ ቢጫ ካርድ እና ፓስፖርት ወይም የመኖሪያ ፈቃድ፤ ዋናውንና ኮፒ ይዘው መቅረብ ይኖርባቸዋል፡፡
  4. በውልና ማስረጃ የተረጋገጠ ህጋዊ ውክልና / በባንኩ የተሞላ ውክልና ይዛችሁ ለምትቀርቡ ተወካዮች ዋናውን የውክልና ሰነድና ኮፒ ፣ ማንነታችሁን የሚያሳይ ዋናውንና ኮፒ መታወቂያ እንዲሁም የወካያችሁን ማንነት የሚያሳይ ኮፒ የታደሰ መታወቂያ ይዛችሁ እንድትቀርቡ እናሳስባለን።  የትውልደ ኢትዮጵያውያን ወኪሎች ከውክልናው ማስረጃ በተጨማሪ የወካዮቻችሁን የትውልደ ኢትዮጵያዊነት ማስረጃ ይዛችሁ መምጣት ያስፈልጋል፡፡ በተጨማሪም በውልና ማስረጃ የተረጋገጠ ህጋዊ ውክልና  በይዘት ደረጃ በወካይ ስም በጉባኤ ላይ ለመሳተፍና ድምጽ ለመስጠት የሚያስችል መሆን ይኖርበታል።
  5. ድርጅትን ወክሎ የሚቀርብ ተወካይ የድርጅቱ/የማህበሩ ስራ አስኪያጅ መሆኑን የሚያረጋግጥ ማስረጃ /የማህበሩን መመስረቻ ጽሁፍ ወይም ቃለ ጉባኤ/ ይዞ መቅረብ ያለበት መሆኑን ፣ አልያም በባንኩ የውክልና ቅጽ መሰረት ውክልና የተሰጠው መሆን አለበት።

ስለባንኩ መግለጫ   

አድራሻ ፦ አዲስ አበባ፣ ቂርቆስ ክ/ከተማ፣ ወረዳ 8፣ ለገሃር መብራት አካባቢ አመልድ ሕንጻ ከ16-25ኛ ፎቅ ፣ ስልክ    0115581461    / 0115584138 ፣ የጥሪ ማዕከል 690        ፖ.ሳ.ቁ 28450 ኮድ 1000 ፣

ኢሜል info@amharabank.com.et

ድረ ገጽ https://amharabank.com.et/

ዋና የንግድ ምዝገባ ቁጥር MT/AA/3/0052689/2014   የባንክ ስራ ፍቃድ ቁጥር LBB/028/2022

ይህ ማስታወቂያ እስከተዘጋጀበት ቀን ድረስ የባንኩ የተፈረመ  ካፒታል  ብር   6,516,327,599.00 (ስድስት ቢሊዮን አምስት መቶ አስራ ስድስት ሚሊዮን ሶስት ሃያ መቶ ሰባት ሺ አምስት መቶ ዘጠና ዘጠኝ ብር)  ነው።

  የአማራ ባንክ አ.ማ

 የዳይሬክተሮች ቦርድ